Regalamos 10 entradas dobres para o derbi do domingo. Pero como cremos que a nosa rivalidade é o mellor regalo de todos, só poderás participar xunto cun amigo do equipo rival.
Descubre o noso buscador de amigos e rivais e participa.
Hai rivalidades que son tan fondas coma os corazóns que as impulsan. Somos os que construímos co noso esforzo. Os homes, as mulleres e os países. E hai esforzos que non se entenden sen un rival ó que se enfrontar.
O Celta e o Dépor, o Dépor e o Celta, son parte da historia que nos ten traído ata aquí. Ningún dos dous sería o mesmo sen a existencia do outro.
Cando un deles toca o ceo, cando un deles baixa ó inferno, sabe sempre que o destino lle dará axiña unha segunda oportunidade. Máis pronto ou máis tarde volveranse a ver as caras en Vigo, ou na Coruña para seguir construíndo, xuntos, unha historia que contar.
A historia de Ramón e Xoán é unha historia de fútbol, retranca e desfibriladores que nos ensina que, á fin e ao cabo, somos o que somos grazas aos nosos rivais.
Demostra que só hai unha cousa máis grande que ganar un derbi. Facelo entrando acompañado dun amigo do equipo rival.
O mesmo día en que o derbi se xoga, tamén haberá un partido moi diferente. As caras máis coñecidas da televisión e a cultura en Galicia, cada un deles vestido coas cores de Deportivo ou Celta, xuntaranse con xogadores veteráns dos dous equipos nun divertido encontro poucas horas antes da gran cita.
Mónica leva máis de 30 anos vendo o derbi no bar de Sabela, unha inseparable amiga coa que compartiu a súa infancia en Mondoñedo. Desde que vive en Vigo coa súa familia sabe a onde ten que volver nas que para ela son as datas máis especiais do ano.
Anxo o pai de Roque ten que marchar a traballar ao mar na noite do derbi. Os dous despídense cunha sentida conversa. Xa á noite falan durante o descanso do partido e comentan as xogadas máis polémicas.
Roque abraza ao seu pai cando Anxo chega a porto. Nesta conversación entre pai e fillo ponse en cuestión unha evidencia: sen un deles dous e da súa paixón, o derbi só sería un partido de fútbol.
Din que nos levamos coma cans e gatos... Pois non! Levámonos moito peor. Tocamos o ceo e caemos no inferno, pero os dous... Victorias e derrotas, alegrías e fracasos. Pero oxalá non nos falten nunca, porque de todos os partidos do mundo, este é o noso partido!